Ба таваҷҷуҳи довталабони дарёфти дараҷаҳои илмӣ ва муассисаҳои таҳсилоти олии касбӣ ва илмии кишвар

Ба таваҷҷуҳи довталабони дарёфти дараҷаҳои илмӣ ва муассисаҳои таҳсилоти олии касбӣ ва илмии кишвар расонида мешавад, ки бо мақсади баланд бардоштани сифати корҳои таҳқиқоти илмӣ ва инъикоси равандҳои назариявию озмоишӣ ва татбиқи натиҷаҳо дар таҳқиқоти илмӣ Дастурамал оид ба тартиби барасмиятдарории диссертатсия, автореферати диссертатсия ва дигар маводди илмӣ (фармоиши раиси Комиссияи олии аттестатсионии назди Президенти Ҷумҳурии Тоҷикистон аз 27 декабри соли 2024, № 493) дар таҳрири нав ба тасвиб расида, дар ҳаҷми диссертатсия ва автореферат (ҷузъи муаллифӣ), шумораи бобҳои диссертатсия, нуктаҳои ба ҳимоя пешниҳодшаванда, тартиби барасмиятдарории адабиёти истифодашуда ва дигар  тағйиру иловаҳои дахлдор рӯйи кор омаданд.

Аз ин рӯ, тавсия дода мешавад, ки ҳангоми барасмиятдарории диссертатсия, автореферати диссертатсия ва дигар маводди илмӣ талаботи Дастурамали мазкур ба инобат гирифта шавад.

Зимнан, ба иттилоъ мерасонем, ки бандҳои 13.13 ва 13.20 аз 01 октябри соли 2025 (бо дарназардошти ҷойгирсозии диссертатсия ва автореферати диссертатсия дар сомонаи муассиса ва Комиссия) мавриди амал қарор мегиранд.

Дастурамал дар сомонаи Комиссия ҷойгир карда шуда, довталабон метавонанд ба он дастрасӣ пайдо намоянд.

КОА

Суроғаи ҳуқуқии КОА: ш. Душанбе, кӯчаи Шевченко, 39 
Телефон: (+992 37) 227 00 09
Факс: (+992 37) 227 55 49 
Почтаи электронӣ:  info@vak.tj koa@vak.tj 

МАХЗАНИ МАЪЛУМОТИ КОА

Пойгоҳи додаҳои КОА

Суроғаи КОА

©vak.tj 2025.
Много шаблонов Joomla на JooMix.org