Санаи 27-уми августи соли ҷорӣ вобаста ба мушкилот, дурнамо ва омодасозии кадрҳои илмии фанхои дақиқ дар маҷлисгоҳи Академияи миллии илмҳои Тоҷикистон маҳфили илмии “Хирад” бо иштироки неруи илмӣ баргузор гардид. Дар маҳфили илмӣ раиси Комиссияи олии аттестатсионии назди Президенти Ҷумҳурии Тоҷикистон Давлатзода С.Х. иштирок ва суханронӣ намуданд. Мавсуф вобаста ба омодасозии кадрҳои илмӣ-таҳқиқотӣ дар самти фанҳои дақиқ изҳори андеша намуда, дар ҳошияи андешаҳои Асосгузори сулҳу ваҳдати миллӣ-Пешвои миллат, муҳтарам қайд намуданд, ки имрӯз ҷомеаи илмии кишварро зарур аст, ки ҷиҳати омодасозӣ ва тарбияи кадрҳои баландихтисоси илмӣ чораҳои муассир андешад. Пажӯҳишгароне, ки дар самти фанҳои дақиқ диссертатсияҳои илмӣ дифоъ намуданд, барои ташкили мактабҳои илмӣ ҷалб гардида, дар омодасозии кадрҳои илмӣ саҳм гузоранд.

Сипас, доктори илмҳои биологӣ, профессор, академики Академияи миллии илмҳои Тоҷикистон Яқубова М. вобаста ба омодасозии кадрҳои илмӣ дар самти илмҳои дақиқ изҳори андеша намуда, вобаста ба пойгоҳи таҳқиқотҳои илмӣ ва дуруст истифода намудани озмоишгоҳҳои таҷрибавӣ андешаронӣ намуд. Инчунин, қайд дошт, ки имрӯз ҳар як таҳқиқотчиро зарур аст, ки барои дуруст ва ба таври шоиста истифода кардани мавзеъҳои таҷрибавӣ ва озмоишгоҳҳои таълимӣ саҳми арзанда гузорад.

Дар суханронии хеш доктори илмҳои биологӣ, профессор Гулов С.М. вобаста ба интихоби мавзуъҳои илмӣ ва арзишманд таҳия намудани корҳои илмӣ-таҳқиқотӣ изҳори андеша намуд. Ҳамчунин, зикр дошт, ки бояд илми ватанӣ имрӯз муаррифгари неруи илмӣ буда, барои таҳия ва пешниҳоди мақолаҳои илмӣ дар маҷаллаҳои байналмилаливу ватанӣ корҳои назаррас анҷом дода шавад.

Сипас, миёни иштирокчиён табодули афкор суръат гирифта, онҳо вобаста ба мушкилот ва дурнамои илмҳои дақиқ андешаҳои херо иброз доштанд.