Комиссияи олии аттестатсионии назди Президенти Ҷумҳурии Тоҷикистон ба маълумоти муҳаққиқону олимони муассисаҳои илмӣ, таҳсилоти олии касбӣ ва таҳсилоти касбии баъд аз муассисаҳои олии таълимӣ мерасонад, ки дар ҳошияи Паёми навбатии Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ҷиҳати дар сатҳи шоиста муаррифи намудани дастовардҳои илмии олимону муҳаққиқон дар арсаи байналмилалӣ ва ворид намудани маҷаллаи илмии байналмилалии «Фурӯғи илм» ба пойгоҳҳои бонуфузи илмсанҷии Web of Science (WoS) ва Scopus тасмим гирифтааст, ки қабул ва нашри мақолаҳои илмиро бо забонҳои хориҷӣ (англисӣ) бештар намояд.

Бинобар ин, зарур шуморида мешавад, ки талабот нисбат ба таҳия ва пешниҳоди мақолаҳои илмӣ аз ҷониби муҳаққиқону олимон дар шакли IMRAD ва сарчашмаҳои илмие, ки дар  пойгоҳҳои бонуфузи илмсанҷии  Web of Science (WoS) ва Scopus интишор гардидаанд, истифода карда шавад.

Мақолаҳое, ки бо забони англисӣ мувофиқи талаботи зерин манзур гардида, аз ҷониби ҳайати таҳририя мусбат арзёбӣ мегарданд, дар маҷалла бе навбат ва ройгон  чоп карда мешаванд:

1. Сохтори мақола тибқи IMRAD;
2. Адабиёти истифодашуда нав ва на кам аз 25 номгуй (зиёда аз 50% ба маҷаллаҳои тақризии мисли Web of Science, Scopus, IEEE Xplore, ChemRxiv, MathSciNet, PubMed, ACM Digital Library, Agris, JSTOR ва ғайра);
3. Худиқтибос то 20%.

Пойгоҳҳои бонуфузи байналмилалии илмӣ-иттилоотӣ